Аказваецца, вышэйшая адукацыя не патрэбная, а грошы сёння "косяць" муляры і бармэны. У рэгіянальных цэнтрах занятасці насельніцтва Еўрарадыё высвятляла, як хутка знайсці прыбытковую працу сёння.

Нават у застойныя крызісныя часы кругазварот вакансіяў не спыняецца. Новыя прапановы з’яўляюцца кожны дзень.

“Ёсць вакансіі інжынера, майстра на вытворчасці. Заробак — мільён, — прапаноўваюць Еўрарадыё працу ў Цэнтры занятасці насельніцтва Мінскага райвыканкама. — Прадпрыемства “Міран” выстаўляе такую вакансію. Наладчык станкоў таксама мільён. Больш у мяне нічога такога, што б вам падышло, няма”.

Чытаць далей...

Як даведалася Еўрарадыё, цяпер гэтае правіла дзейнічае толькі 9 гадзін на суткі. Такое рашэнне было прынятае Міністэрствам інфармацыі яшчэ 15 верасня.

Напрыканцы лета ў Міністэрстве інфармацыі прайшло паседжанне, мэтай якога было высветліць, ці патрэбна паменшыць адсотак айчыннай музыкі ў FM-прасторы. Аднак Палажэнне, якім да гэтага часу кіруюцца музычныя рэдактары, ніхто так і не змяніў. Як распавёў Еўрарадыё Эміль Джафараў, музычны рэдактар “Радыё Бі-Эй”, сітуацыя пасля жнівеньскіх паседжанняў кардынальна не змянілася. То бок 75% у эфіры ніхто не адмяняў, аднак гэтае правіла зараз распаўсюджваецца толькі на 9 гадзін эфіру за суткі:

Джафараў: “Мы кіруемся Палажэннем Міністэрства інфармацыі, згодна з якім у прайм-тайм павінна гучаць 75% беларускай музыкі."


Чытаць далей...

Нацыянальны статыстычны камітэт дагэтуль не заплаціў 2 мільёны долараў людзям, якія на працягу месяца працавалі перапісчыкамі. Еўрарадыё знайшло дакумент, які пацвярджае, што дзяржава павінная была разлічыцца з 40 тысячамі беларусаў да 7 лістапада.

Перапісчыкамі па ўсёй краіне працавалі ў асноўным студэнты. Ася Паплаўская, студэнтка журналісцкага факультэта БДУ, працавала перапісчыкам у Фрунзенскім раёне Мінска. Яна распавяла Еўрарадыё, што дагэтуль так і не атрымала свае “законныя” 140 тысяч рублёў:

Ася Паплаўская: “Хаця і ў першай дамове, якую мы падпісвалі напярэдадні перапісу, і ў дамове аб выкананай працы, якую мы падпісалі пасля таго, як аддалі ўсе бланкі, было пазначана, што грошы Статыстычны камітэт павінен выплаціць да 7 лістапада. Да гэтага моманту грошы нам так і не выплацілі. Ва ўсіх маіх знаёмых такая ж гісторыя”.


Чытаць далей...

Павел Глоба спасылаецца на фазы Сатурна і сцвярджае, што эпідэмія грыпу скончыцца напрыканцы лістапада, Генадзь Мельчанка ў эпідэміі вінаваціць беларускае грамадства і называе снежань “вызначальным” месяцам, а Вольга Ібрагімава лічыць, што грып не кране людзей з чыстымі думкамі.

Еўрарадыё апытала найбольш вядомых у “зорных” справах астролагаў, каб даведацца, чаму вірус A1/H1N1 стаў галоўнай навіной апошніх дзён.

Адзін з самых “аўтарытэтных” астролагаў на прасторах былога Савецкага Саюза Павал Глоба лічыць, што аніякай эпідэміі з медыцынскага боку няма. Пра гэта яму “распавялі” фазы Сатурна. Таму і размовы пра “свіны грып” павінныя скончыцца напрыканцы лістапада:

Павал Глоба: “Самы галоўны момант у дадзенай сітуацыі – гэта тое, што мы не гатовыя псіхалагічна. Таму і шукаем увесь час нейкія прыкметы апакаліпсісу. Гэта гаворыць пра тое, што крызіс з большага ў нашых мазгах, а не на самой справе. Звычайная сезонная эпідэмія грыпу: пройдзе яна, як і ўсе папярэднія, і смярцей больш не будзе. Яшчэ справа ў тым, што ў нас людзі займаюцца прафілактыкай захворванняў наогул вельмі дрэнна, калі параўноўваць з заходнімі краінамі. Там смяротнасць нашмат меншая, ды і ў масках ніхто амаль не ходзіць”.

Чытаць далей...

Як успрыме Расія рух Беларусі ў бок Еўропы? Ці будзе паміж Расіяй і Еўропай спаборніцтва за Беларусь? На гэтыя пытанні Еўрарадыё адказаў удзельнік Мінскага Форуму, дырэктар Маскоўскага цэнтру Карнэгі Дзмітрый Трэнін

Дзмітрый Трэнін кажа, што рэўнасць захаваецца, але рэзкага пахаладання ў расійска-беларускіх стасунках не будзе. Па словах эксперта, значэнне павароту Беларусі да Еўропы занадта перабольшваецца:

“Насамрэч адбываецца не паварот ад Расіі да Еўропы. Адбываецца працэс нармальнага станаўлення дзяржавы ў новай Усходняй Еўропе. І гэта дзяржава спрабуе выбудаваць адносіны са сваімі суседзямі, партнёрамі – блізкімі і дальнімі. Выбар для Беларусі пакуль не зроблены. Ён пакуль яшчэ нават не сфармуляваны на ўзроўні беларускай кіруючай эліты.

Чытаць далей...

Падчас XII Мінскага форума нямецкія палітыкі і эканамісты сцвярджалі, што са стварэннем Мытнага саюза Беларусі, Расіі і Казахстана на шляху еўрапейскіх інвестыцый у беларускую эканоміку з’явіўся яшчэ адзін – псіхалагічны бар’ер

Дэпутат Бундэстага Геарг Шымберг лічыць бясспрэчным, што Мытны саюз прынясе Беларусі выгоды ў гандлі з Расіяй і Казахстанам. Але развіццё гэтых рынкаў пагражае еўрапейскім інвестыцыям, скарачэння якіх можна чакаць праз няўпэўненасць еўрапейцаў у трываласці новай міждзяржаўнай фармацыі:

Геарг Шымберг: “Вы кажаце, што ў вас цяпер будзе Мытны саюз... Гэта адпужвае заходнія краіны. Для перспектываў супрацоўніцтва з канцэрнамі, якія працуюць па ўсім свеце, словы вашага прэзідэнт, што вось з пачатку года пачнецца Мытны саюз, а ў сярэдзіне года нешта адбудзецца, — гэта смерць. Усе прадпрымальнікі хочуць мець як мага больш дакладныя прагнозы”.


Чытаць далей...

Машына спадабалася прэзідэнту, і таму хутка распачнуць яе масавы выпуск. Цікава, што каштуе новы трактар 150 мільёнаў рублёў.

Беларускія канструктары распрацавалі новы трактар “Раса”. Яго прадставілі падчас круглага стала “Інавацыйнае развіццё сельскай гаспадаркі Беларусі: укараненне сучасных агратэхнічных сродкаў”. Машына укамплектаваная распырсквальнікам хімікатаў і раскідвальнікам угнаенняў ды бочкай для гэтых хімікатаў-угнаенняў. Галоўнае, што новы трактар — усюдыход і можа працаваць на залітых вадой палях. Як распавёў намеснік дырэктара “Аграмашрэсурса” Аляксандр Янчук, кабіна трактара нагадвае салон легкавога аўтамабіля, там ёсць нават кандыцыянер. Праўда, не абышлося і без недапрацовак.

Аляксандр Янчук: “Пакуль і клірэнс машыны невысокі — да 0,5 метра. Абмежавана яе прымяненне на высокасцеблевых культурах. Да і грузапад’ёмнасць машыны пакуль у нас у межах толькі да 1 тоны, што таксама накладае пэўныя абмежаванні”.


Чытаць далей...

У Дзень студэнта Еўрарадыё даведалася, што замінала айчынным славутасцям быць выдатнікамі: Лазавік замест аспірантуры добраахвотна запісаўся на флот, Айплатаву не хапала часу на вучобу, Ганчарэнку ад двоек выратоўваў футбол.

Аляксандр Кулінковіч, вакаліст гурта “Нейра Дзюбель”, “вытрымаў” на журналісцкім факультэце БДУ ўсяго адзін семестр. Прычым сам вырашыў сысці. А галоўнымі праблемамі рок-музыка назваў кепскую памяць ды адсутнасць якой бы то ні было схільнасці да замежных моваў:

Кулінковіч: “У мяне памяць — самае слабае месца. Да таго ж, і з увагай цяжкавата. Мне наогул вельмі часта не хапала канкрэтыкі, бо мне вельмі цяжка на чымсьці засяродзіць увагу. А для вывучэння моваў самыя галоўныя рэчы — гэта памяць, увага і сканцэнтраванасць. Дарэчы, апошняя пара, на якой я прысутнічаў ва ўніверы, — гэта была англійская мова…”


Чытаць далей...

Доктар медыцынскіх навук расказаў Еўрарадыё, чаму нельга вылечыць грыпозную пнеўманію, чым грып страшнейшы за СНІД, а таксама прызнаўся, што нават лекарам не паказваюць статыстыку па памерлых ад эпідэміі

Нягледзячы на тое, што эпідэмія грыпу — афіцыйна прызнаная Міністэрствам аховы здароўя з’ява, даведацца канкрэтныя лічбы пацярпелых ад гэтай хваробы немагчыма. А тым больш, колькасць памерлых ад пнеўманіі. Праўда, на сайце міністэрства ледзь не кожны дзень падаюцца справаздачы аб сітуацыі з захворваннем, але даведацца там можна толькі тое, што “сёння колькасць зваротаў з нагоды захворвання на вострае рэспіраторнае захворванне знізілася на 29,2% у параўнанні з днём учорашнім”. Не называюць дакладныя лічбы чыноўнікі міністэрства і па тэлефонах.

Самае цікавае тое, што такой статыстыкі няма нават у дактароў. Нават па колькасці хворых альбо памерлых ад пнеўманіі калег. Пра гэта Еўрарадыё расказаў доктар медыцынскіх навук, загадчык кафедры фізіяпульманалогіі Медыцынскай акадэміі паслядыпломнага навучання Валянцін Кароўкін.


Чытаць далей...

Пакуль невядома, колькі чалавек змогуць працаваць у мінскім офісе. Гэтае пытанне, па словах прэзідэнта праўлення Еўрарадыё Дзмітрыя Новікава, вырашыцца ў бліжэйшым часе. Ён адзначыў, што будуць прыкладацца ўсе намаганні, каб офіс у Мінску быў адкрыты як мага хутчэй

У чацвер Еўрарадыё атрымала копію пастановы Савета Міністраў і пасведчанне аб адкрыцці ў Беларусі карэспандэнцкага пункта. Прэзідэнт праўлення Еўрарадыё Дзмітрый Новікаў так пракаментаваў сітуацыю пасля атрымання дакументаў:

“Пакуль невядома, колькі чалавек змогуць працаваць у карэспандэнцкім пункце ў Мінску. Гэта самае галоўнае пытанне і зараз мы будзем гэтым займацца, ад гэтага залежыць увогуле ўся наша стратэгія”.

Акрэдытацыя толькі на год. Што гэта магло б значыць?

Дзмітрый Новікаў: “Я думаю, што гэта магчымасць нам паказаць, што нас можна абмежаваць. У кожны момант нас можна спыніць”.


Чытаць далей...

Еўрарадыё знайшло Таццяну Шупеню, якую падазраюць у продажы ўласнай дачкі расіянам за 200 долараў.(Фота)

Інфармацыя пра продаж дзіця шакіравала грамадства.

“Гора-маці прадала расіянцы сваю дачку 1995 года нараджэння ў перыяд з 2001 па 2003 год, аднак устаноўлены гэты факт толькі зараз, — паведамляе БелТА. — Жыхарка Смальянаў Аршанскай вобласці прадала сваю дачку за 200 долараў”.

Той самай гора-матуляй са Смальянаў апынулася 35-гадовая Таццяна Шупеня. Еўрарадыё змагло паразмаўляць з жанчынай адразу пасля таго, як яе выпусцілі з аршанскага СІЗА. Таццяна расказала, што дачку ў 2001 годзе яна не прадала, а аддала расіянцы на выхаванне. Дачку завуць Аліна, сёння ёй 14 гадоў.

Таццяна Шупеня: “Проста мне жыць не было дзе, я проста аддала ў добрыя рукі сваю малую, каб яна выхавала яе. Зараз ёй 14 гадоў, ужо дарослая дзяўчынка”.


Чытаць далей...

"Хто лезе ў палітыку, павінен быць гатовы да ўсяго. І заўсёды. Таму — дзейнічайце", — Лідзія Ярмошына ў інтэрв'ю Еўрарадыё спаслалася на мінулыя прэзідэнцкія выбары, калі кандыдаты праводзілі мітынгі паўсюль і без наступстваў для сябе

— Што раней, што зараз выбарчыя камісіі фармавалі мясцовыя выканкамы. У чым змены ў гэтым пытанні?

— У склады выбарчых камісій не будуць мець права вылучаць сваіх прадстаўнікоў органы, якія іх ствараюць — выканкамы і мясцовыя саветы. Не можа быць старшынёй камісіі асоба, якая знаходзіцца ў непасрэдным падначаленні альбо з'яўляецца сваяком кандыдата ў дэпутаты. Суддзі і пракуроры не могуць у склад выбарчай камісіі ўваходзіць. І чыноўнікаў, і дзяржслужачых у складзе камісіі не можа быць больш за адну траціну. Як рэкамендацыя будзе пазначана, што не менш за адну траціну мусіць быць прадстаўнікоў палітычных партый і грамадскіх аб’яднанняў.

Чытаць далей...

Медыкі адзначаюць, што такой колькасці хворых на грып, як цяпер, у Беларусі не было ўжо 15-20 гадоў

Па дадзеных Сусветнай арганізацыі аховы здароўя, у Беларусі штогод памірае ад пнеўманіі каля 800 чалавек (2007 год: 792, 2008: 798, а ў 2005-м гэта лічба дасягнула амаль тысячы чалавек!). Намеснік міністра аховы здароўя Валянціна Качан у інтэрв’ю “Комсомольской правде в Белорусии”, распавяла, што сёлета са студзеня па лістапад ад запалення лёгкіх у нашай краіне сканала 320 хворых. Ці азначае гэта, што за апошнія 2 месяцы года ахвярамі пнеўманіі могуць стаць каля 460 беларусаў? Загадчыца эпідэміялагічнага аддзела Мінскага гарадскога цэнтра гігіены і эпідэміялогіі Алена Фісенка кажа, што ў бліжэйшыя 2 месяцы сапраўды можа памерці ад пнеўманіі некалькі соцень чалавек.

Алена Фісенка: “Прыкладна 50 на 50. Калі дагэтуль недзе каля 300 было, то можна чакаць, што цягам 2 месяцаў яшчэ 300 смерцяў будзе”.

Чытаць далей...

Увечары 4 лістапада ў Мінскім міжнародным адукацыйным цэнтры пачаў працу XII Мінскі форум. Яго тэма — “Беларусь і Ўсходняе партнёрства: перспектывы развіцця ў сферах палітыкі, эканомікі і грамадства”

З 4 па 6 лістапада праходзіць XII Мінскі форум. Яго тэма: “Беларусь і Ўсходняе партнёрства: перспектывы развіцця ў сферах палітыкі, эканомікі і грамадства”. Арганізатарам выступіла Нямецка-беларускае таварыства.

Чытаць далей...

Менавіта да такой высновы прыходзяць медыкі пасля агляду памерлых ад пнеўманіі беларусаў

Паводле звестак Сусветнай арганізацыі аховы здароўя, у папярэднія гады ў Беларусі ад пнеўманіі штогод памірала каля 800 чалавек. Зараз, калі ва ўсім свеце людзі хварэюць і паміраюць ад эпідэміі “свінога грыпу”, у Беларусі, згодна з афіцыйнай версіяй Міністэрства аховы здароўя, гэтай эпідэміі няма. І хоць днямі намеснік міністра Валянціна Качан прызнала, што ў краіне зарэгістравана 59 выпадкаў захворвання на грып H1N1, але паміраюць у нас хворыя не ад “свінога грыпа”, а ад пнеўманіі. Прынамсі, менавіта на гэтым настойвае першы намеснік міністра аховы здароўя Роберт Часнойць.

Чытаць далей...

Мінск запоўнілі чуткі пра надыход эпідэміі грыпу. А следам за чуткамі сталіцу напоўнілі людзі ў масках

Людзі ў масках паўсюдна ў Мінску.


Чытаць далей...

Праваабаронцы, палітолагі і журналісты ацанілі змены па пяцібальнай шкале.

У аўторак 17 лістапада у Бруселі Савет ЕС агучыць рашэнне, ці застануцца на наступныя паўгода ўязнымі ў ЕС шэраг беларускіх чыноўнікаў, а з імі і Аляксандр Лукашэнка. Візавыя санкцыі на ўезд у краіны ЕС ім былі замарожаныя год таму. У той самы час, у кастрычніку 2008 года, Еўрапейская Камісія вызначыла пяць галоўных умоваў, якія беларускі ўрад мусіць перш за ўсё выканаць дзеля паляпшэння адносін. Прагрэс менавіта па гэтых умовах паслужыць асновай для прыняцця рашэння па візавых санкцыях.

Пачнем. Умова першая — заставацца краінай без палітычных зняволеных. Еўрарадыё распытала старшыню аўтарытэтнай праваабарончай арганізацыі "Беларускі Хельсінскі камітэт" Алега Гулака.

Чытаць далей...

Прадстаўнікі грамадзянскай супольнасці Беларусі, Арменіі, Грузіі, Украіны, Малдовы і Азербайджана абмяркуюць пытанні супрацоўніцтва ў рамках Усходняга Партнёрства

Прадстаўнікі грамадзянскай супольнасці Беларусі, Арменіі, Грузіі, Украіны, Малдовы і Азербайджана сустрэліся 16 лістапада ў Бруселі, каб абмеркаваць супрацоўніцтва ў рамках ініцыятывы Ўсходняе Партнёрства. Сярод 220 ўдзельнікаў Форума беларускі трэці сектар складае прыкладна восьмую частку. Сярод 76 ахвотных беларускіх арганізацый для ўдзела адабралі 27. Дарэчы, гэта другая па колькасці дэлегацыя пасля ўкраінскай. З боку Еўрасаюза ў мерапрыемстве бяруць удзел кіраўнік МЗС Швецыі, якая старшыньствуе ў ЕС, Карл Більдт, еўракамісар па знешніх сувязях Беніта Ферэра-Вальднер і старшыня Сацыяльна-эканамічнага камітэта ЕС Марыё Сэпі.

Чытаць далей...

Еўрарадыё атрымала заўвагі, якія Літва зрабіла па беларускай справаздачы па АЭС. Літоўскае Міністэрства навакольнага асяроддзя даслала іх у Мінпрыроды. Літоўскія эксперты знайшлі 39 недахопаў у рапарце і палічылі дакумент занадта расплывістым і агульным

Пасля таго, як беларускі бок выправіць справаздачу і перакладзе яе на літоўскую мову, у Літве пройдуць грамадскія слуханні. Толькі тады суседняя краіна агучыць сваю афіцыйную пазіцыю наконт пабудовы новай беларускай АЭС.

Сярод 39 літоўскіх заўваг большасць – гэта хібы беларускіх экспертаў


Чытаць далей...

Працуюць яны бясплатна і сцвярджаюць, што паліклінікі не здольныя вызначыць вірус “свінога грыпу”.

Як стала вядома Еўрарадыё, усіх студэнтаў 6 курса медуніверсітэта і інтэрнаў з-за недахопу медработнікаў знялі з заняткаў і накіравалі працаваць у паліклінікі і ўчастковымі дактарамі. Як патлумачыла інтэрн Наталля, на гэты конт існуе адпаведная пастанова Міністэрства аховы здароўя.

Наталля: “Калі аб’яўляецца эпідэмія грыпу, то паліклінікі Міністэрства аховы здароўя маюць права здымаць усіх інтэрнаў і студэнтаў 6 курса на дапамогу”.

Чытаць далей...